Historiani Kristo Frashëri dekorohet me Urdhrin “Nderi i Kombit”

[bledikorcari]

Tiranë, 22 Maj, - Presidenti i Republikës Bamir Topi dekoroi sot (e Enjte) në mesditë historianin e shquar Kristo Frashëri me Urdhrin “Nderi i Kombit”.


Dekorimi u bë gjatë një ceremonie të veçantë në Pallatin e Brigadave. Atje ishin të ftuar personalitete të shkencës, historisë, gjuhësisë dhe akademikë të njohur.

Pas nderimit të himnit kombëtar shqiptar dhe leximit të dekretit nga Sekretari i Përgjithshëm i Presidencës, Aleksandër Flloko, Presidenti i Republikës i dorëzoi Prof. Kristo Frashërit Urdhrin “Nderi i Kombit” me motivacionin: “Historianit të shquar, me vizion të gjerë e njohuri të thella, që dijet, pasionin dhe talentin ia përkushtoi shkrimit të historisë së kombit të tij”.

Prof. Kristo Frashëri, duke folur në ceremoni, tha se “ky nder që më bëhet, vjen në këtë moshë të thyer dhe theksoi: “Unë do të vazhdoj me sa fuqi që kam të punoj derisa të realizoj ato projekte që kam”.

albtoday