Naim Kuka, shqiptari që ecën me 600 km/orë

[Musafir]

Shqiptari që ecën me 600 km/orë

Historia e inxhinierit shqiptar Naim Kuka që ndërtoi TGV V150, trenin francez më të shpejtë në botë, që theu rekordin në pranverën e vitit 2007. Nga Peshkopia e largët në majën e teknologjisë europiane. Në fillim të prillit të viti 2007, media botërore dha lajmin e hedhjes në qarkullim të një treni të ri të shpejtësisë rekord TGV V150, prej 574.8 kilometra në orë. Mbi 80 gazetarë nga gjithë bota ndoqën ceremoninë e zhvilluar në Francë për trenin më të shpejtë në botë, një mrekulli e teknologjisë dhe forcës së mendjes njerëzore. Naim Kuka ishte njëri nga projektuesit e këtij treni, pasardhës i denjë i projektuesit të hekurudhës malore në Austri, shqiptarit tjetër me emrin Karl Gega. Në momentin që treni u nis ing. Naim Kuka kujtoi Shqipërinë dhe gjithë rrugën që kishtë bërë për të ardhur deri aty… Tashmë ishte 54 vjeç dhe e kishte provuar të gjitha llojet e udhëtimit, duke nisur me udhëtimet e lodhshme të gjata më këmbë kur ishte fëmijë në qytetin e lindjes Peshkopi, ato me autobusat e vjetër për të shkuar në shkollë në Tiranë (7-8 orë për 200 km rrugë), pastaj shtyrjet e njerëzve për të zenë një vend në trenin e plazhit Tiranë-Durrës…
Si inxhinier Kuka, i cili prej 15 vjetësh punon në Itali, në kompaninë nr. 1 në botë për industrinë hekurudhore ALSTOM, drejton prej disa vjetësh një nga “celulat” inteligjente të këtij gjiganti, pjesë e një rrjeti ndërkombëtar për trenat e së nesërmes. Më 3 prill 2007, në prezencën të një numri të madh gazetarësh të të gjithë botës, treni V150 arriti 574.8 km/orë, një rekord i ri i shpejtesise mbi shina. Treni TGV V150 (shpejtësia 150 m/sec), simbol i nivelit të lartë teknologjik, është bashkëpunin i ngushte midis ALSTOM (konstruktori nr. 1 në transportin hekurudhor, me mbi 25000 punonjes dhe stabilimente në vendet kryesore të botes), SNCF (shoqëria e transportit hekurudhor francez) dhe RFF (rrjeti i infrastruktures hekurudhore franceze).Studimi, zhvillimi dhe prova e trenit V150 eshte rezultat i 14 muajve punë, ose 100.000 orë projektimi e përgatitje e 60 inxhinierëve e teknikëve te stabilimenteve te ndryshem Alstom. Treni i rekordit perbehet nga 2 lokomotiva elektrike (25 kV, 50 Hz) e 3 vagona me dy kate (nivele). Fuqia totale e trenit është 19,6 megawatt (mbi 25.000 kuaj fuqi), afro dyfishi i fuqise të të gjitha veturave të Formula UNO, të marra së bashku, në momentin e nisjes së garës. Aktualisht dibrani Naim Kuka, si inxhinier i ALSTOM, është koordinator i nje projekti 3-vjecar të financuar nga Komisioni Europian në të cilin bashkëpunojnë edhe një universitet anglez dhe një sllovak.