Re: TEKSTE KËNGË SHKODRANE

[Musafir]

101. O bylbyl o i buk’ri shpendve (2)
I: O bylbyl o i buk’ri shpendve
Çka ke n’dimën që m’gjëmon? :I
Aman, aman
I: T’gjithë dashnorve shnoshjau zemrën, aman
Hiqjau dertin që i mundon. :I
Në kafaz bylbyl qi rri-e
Prej k’tij moti me kalu’, aman, aman!
Zemra ime mbush dashni-e, aman
Pret pranverën me gjelbru

[Musafir]

102. Metelikun ta kam dhanë
Metelikun ta kam dhanë
Bej, aman, aman!
Ti hala se ke harxhu’.
Aman, aman, aman-e!
I: Blej kalem e mereqep-e
Sy e vetlla me ti shkru’
E sa e bukur je! :I
Të kam thirrë nji natë me bujt-e,
Bej aman, aman!
Ma don hatri për me m’ardhë.
Aman, aman, aman-e!
Mos kujto se du’ me lujt-e
Maraku në ty m’ka zanë
E sa e bukur je!
N’atë dekik qi t’dalin hana,
Bej aman aman!
Dalim bashkë e rrimë në fresk,
Aman, aman, aman-e!
Dru’ qyqja se m’dikton nana
T’baj me dit’ me guralec
E sa e bukur je!

[Musafir]

103. Kënga e Kalasë së Shkodrës
I: O se ç’po punojshin tre vllazën! :I
Murin e qytetit tonë!
Ja, ja, ja-re.
O vjen një plak o aty pari:
- Puna e mbarë o ustallarë!
Ja, ja ,ja –re.
- O çfar të mbare ti po shef?
Gjithë ditën punojmë
Gjithë natën rr’xohet!
Ja, ja ja-re.
A din plak me na diftue?
Çka kalaja që s’man?
Ja, ja, ja-re.

[Musafir]

104. Me këtë kangë du’ me fillue
Me këtë kangë du’ me fillu’
Zemra jeme asht ndezë flakë.
I: Nuk kam mujtë me ta tregu’, aman!
Tash sa kohë qi jam tuj t’dashtë. :I
Ref.:
Moj fëllanzë e malit, e malit, e malit
Banja qefin djalit, e djalit, e djalit!
Moj fëllanzë e fushës, e fushës
Unë të du’ për nuse, e nuse, e nuse!
Ka me t’ra ndërmend për mu’
E me vedi ke me thanë:
- Veç atë djalë unë do ta due, aman!
Edhe besën du’ me ia dhanë!
Ref.:
Moj…

[Musafir]

105. Shegë e amël, shegë e butë
I: Shegë e amël, shegë e butë
Më shkoj vera pa t’këputë! :I
Shegë e amël, shegë Ulqini
Nuk të ndrroj për tur florini!
Shegë e amël, shegë Tivari
Nuk të ndrroj për sytë e ballit!
Shegë e amël, moj shegë e amël
Paske pas njat zemër t’amël!
Zemër t’amël o si sheqeri
Hajde t’rrimë ku rrin skyfteri!
Rrin skyfteri njato rranxa
Hajde t’shkojmë ku rrin fëllanxa!
Shegë e amël, ku je shej-e?
Se me ty moj du’ me ndej-e!
Shegë e amël, ku je rrit-e?
Se me ty do t’shkoj të rit-e!
Shegë e amël, ku je pjekë?
Se me ty moj du’ me vdekë!

[Musafir]

106. Knon bilbili poshtë te zalli
Knon bilbili poshtë te zalli
Edhe hana sipër ndritë.
I: Vashë e dashur për ty malli
Ajo shteg don natë e ditë. :I
O moj hanë që mbi qiell ndritë,
Mallin ti mu’ po ma shton.
Shumë kujtime më ke qitë
Jetën time po m’shkurton.
Praj bilbil pra mos vajto!
Mos më le në këtë mjerim!
Në dritare t’vashës shko!
Vaj ti kjajma hallin tim!
Thuej ti vashës se unë t’ du’.
Kurr prej teje s’kam me u nda!
I: Bukurinë tuj ta kujtue
Oh, me lot tash kam me e kja. :I

[Musafir]

107. Knon bylbyli nër njat bahçe
I: O knon bylbyli nër njat bahçe
Hajde në bahçe. :I
I: O ty t’puthsha sy e faqe
Hajde sy, faqe! :I
Knon bilbili në bahçe
Hajde në bahçe
Oh se në zemër ç’më knaqe!
Hajde ç’më knaqe!
O knon bilbili nër at mollë
Hajde nër at mollë.
O ai këndon kangën e vet
Hajde kangën e vet.
K’no nër mollë e k’no nër’ ftu’
Ti ma din marakun mu’!

[Musafir]

108. Iptida du’ me fillue
Iptida du’ me fillue
I: O se m’ka zanë i ziu marak-e. :I
I: O në ma daç moj hatrin mue
Tjetër kend s’shiqon aspak. :I
Ref.:
S’ma din kush hallin qi kam
Unë u dogja për së gjallë.
U shkrina si bora n’shkamb
Begenis fole nji fjalë.
Xhamadanin qep me ar
Ma gëzofsh moj kur e vesh
Iptida dora ju thaftë!
O terzisë qi ta ka qepë.
Edhe unë moj s’jam kujtue
O se m’ka marr moj vesht jot amë.
M’çove fjalë se je idhnue
Oh po ta qes o nji këtë kangë.

[Musafir]

109. Ja na erdhi sot pranvera
I: Ja na erdhi sot pranvera
E natyra çili. :I
I: Përmbi t’gjitha lulet tjera
Çili karajfili. :I
Ref.:
I: Zemrën se ç’ma more
Shpirtin ma qetësove
K’naqem kur t’shikoj-e
O, hajde! :I
N’bahçen tande kur t’kalon
Shoqet t’kan zili-e.
Rritu lule, çilu gonxhe
Ti për bukuri.
Ref.:
Zemrën…

[Musafir]

110. Jare të du’ mori të du’
Jare, të du’ mori të du’
Jare të du’ mori për mbi gjithkend.
Jar, mos kqyr me ma ba keq mu’
Jare, të pasha n’hall tem!
Ref.:
S’ke gjynah ti me m’mundue
Ti Allahut s’i ke dro’n.
I: Tue ditë se unë të due
Me nji fjalë ti më kujto! :I
Më kujto!
Jare, jar të nama e ç’u pendova
E s’po di moj se ku jam.
E, jare, ma fal fajin se gabova!
Jare, e gjithmonë në zemër t’kam.
Ref.:
Zemra jeme ç’asht tuj hjekun
E m’asht ba moj copë e grimë
I: Ke me m’lypë me m’pamun t’dekun
Veç se Zoti m’u baft ndihmë! :I
M’u baft ndihmë!

[Musafir]

111. Dola në penxhere
I: Dola n’penxhere,
Qirova mollën-e. :I
I: Më shpëtoi sajaku, gocë
Preva dorën-e. :I
Ref.:
O në daç më duej,
Në daç mos më duej
O jam jabanxhi,
Moj gocë, në dhe’ të huej!
Më shpëtoi sajaku
Preva gishtin-e.
Mos ma djeg,
Ma përvlove shpirtin-e!
Ref.:
O në daç më duej
Në daç mos më duej
O jam jabanxhi,
Moj gocë, në dhe të huej!
_____________________________________________

[Musafir]

I: Oh, ç’u këputa lale unë e mjera! :I
I: Oh, tue të pritun djalë ty te dera. :I
Ref.:
Lule na po ndahem-o
Bej aman, aman!
Shpirt-o del e piqena!
O piqena me gojë nuk flasim,
Bej aman, aman!
Shumë durojmë e nuk pëlcasim-e.
Oh, ç’u këputa lale unë e ngrata
Oh tue të prit djal-o unë te dardha.
Ref.:
Lule…
Oh, ç’u këputa unë e zeshkta
Oh tue të pritë djal-o ty te pjeshka.
Ref.:
Lule,…
Oh, ç’u këputa, lale unë e holla
Oh tue të pritë djal-o unë te molla.
Ref.:
Lule…
Oh , ç’u këputa unë kërcuna
Oh tue të pritë djal-o ty te kum’lla.

[Musafir]

113. Moj e vogël tash sa vjet
Moj e vogël tash sa vjet
Mirë e din se unë të du’, aman, aman
Mirë e din se unë të du’.
Hajde t’bajmë pak muhabet
Të k’naqna tuj bisedu’, aman, aman
Të k’naqna tuj bisedu’.
Njato flok’të zezë, të tu
Kur t’i hjedhë era mbi sy, aman, aman
Kur ti hjedhë era mbi sy.
Po të them ty mori dushë,
Unë ty t’i kam pëlqy’, aman, aman
Unë ty t’i kam pëlqy’.
Po ndigjo ti mori vashë
Ndigjo zemrën se ç’të thotë, aman, aman!
Ndigjo zemrën se ç’të thotë!
Edhe besën ty ta dhashë
Tjetër s’du’ veç ty n’këtë botë, aman, aman
Tjetër s’du’ veç ty n’këtë botë.

[Musafir]

114. Karajfilat që i ka Shkodra
I: Karajfilat që i ka Shkodra
Medet sa t’bukur janë. :I
I: Gonxhe t’mdhaja, gonxhe t’vogla
Me erë mbushin’ dynjanë,
Aman, aman. :I
Karajfili lypte hije
Medet-o për me çilë.
Gjeth’t i dalin fije, fije
Aman sa erë të mirë,
Aman, aman.
Marangjyli kaq i bukur
Medet por s’paska erë.
Me ia prek gjethin me pupul
Medet ç’i bjen menjiherë.
Aman, aman.

[Musafir]

115. Sa të du’ moj s’kam guxim
I: O sa të du’ moj s’kam guxim
E jam ba si dru.
Zemrën time mirë ma din
Se ç’ma ke shtrëngu’. :I
Oh syni yt porsi magnet
Më ban rreze mu’.
Ma dogje zemrën e shkretë
Plasa tuj t’shikju’.
O ku t’ka ra kjo bukuri
Si dielli n’prendim.
M’asht m’ush zemra me dashni
E s’mund baj durim.

[Musafir]

116. Ani ma ven dorën përmbi dorë
Ani ma ven dorë, hajde përmbi dorë-e
Aman,aman-e!
Oh se me ty do t’thurr kunore-e
Ashiku ka sevda, vaj, vaj, vaj
Qaj me lot si fukara.
Ref.:
Ika, ika i mora malet-e
Bashkë me lalën, lala t’i kjan hallet–e
Ika, ika i mora fushat-e
Bashkë me lalën, lala t’i puth gushat-e.
Ani ma ven dorë aman përmbi kry-e,
Aman,aman-e!
O se m’ka zanë o sevdaja në ty-e
Ashiku ka sevda
Qaj me lot si fukara.
Ref.:
Ika…
Ani ma ven dorën, hajde përmbi faqe
Aman, aman – e!
O mashallah flutur në bahçe
Ashiku ka sevda, hej, hej, hej!
Qaj me lot si fukara.
Ref.:
Ika…
Ani ma ven dorën hajde përmbi ball-e
Aman, aman-e!
O si hana kur ban o me dale.
Ashiku ka sevda
Qaj me lot si fukara.
Ref.:
Ika …
______________________________________

[Musafir]

117. Për mu’ paska kenë kismet
Jar, për mu’ paska kenun kismet
Me kenë ti e tjera kujt.
I: Mbasi t’du’, ban merhamet!
Jar edhe ti moj prap më du’j! :I
O të vegova e m’ra terri.
Hupa krejt e s’qesh insanë
E shof mirë se s’mund t’dal açik
Jar, ty moj zojë e randë!
Kah të shof sytë s’mund t’i daj
E prej gojet nuk të lëshoj.
Por po m’mbushen sytë me vaj
Jar mor si s’mbaroj!?

[Musafir]

118. Dy vjet që ndejtëm bashk
Dy vjet që ndejtëm bashk
Du’ me i kujtu’.
Dashninë qi kena’ pasë
Mos me harru’.
Ref.:
I: Mos më qesh mahallë e re
Se qes flokun n’lule t’ballit.
Kam dy burra, s’jam e vejë
Kam jaranin me kitar. :I
Shka m’rrin mori zonjushë
Tuj m’u shikju në xham
T’puth faqe e gushë
Dashnori i yt unë jam!
Ref.:

[Musafir]

119. Kjo dashnia kjoft mallkue
Kjo dashnia kjoft mallkue
Qi s’po m’len me ndej rehat.
I: Ty moj lule pa t’i shkrue,
S’paku dy tri fjalë. :I
Ref.:
I: Ah, malli yt s’më len derman,
Aman! :I
I: T’kisha krah i mjeri
T’vij në prehnin tand! :!
Ty moj lule njiherë t’zgjodha
E në zemër të mbaj ndry’.
Ndonse larg prej teje ndodha
Mendjen e kam n’ty!
Ref.:
Oh t’shkretën zemër
Ç’ma ke therrë, aman!
I: Drue po vdes i mjeri,
Pa të marrun erë! :I
Sytë prej lot’ve rrinë pa u terun
Loti i jem’ n’ty pikoftë!
Çka t’i tham kësaj zemre t’therrun
Kurr hallall mos t’kjoftë!
Oh n’andërr m’vjen
E më trazon, aman!
Zemrën teme të ngratën
N’vaj përher m’a çon!
___________________________________________________
derman = shërim, shëndoshje, zgjidhje e një nevoje ose ngatërrese
hallall = diçka e fituar me mund, me djersë

[Musafir]

120. Vaj si kenka ba dynjaja
Vaj si qenka ba dynjaja!
Me tu ba mos me kenë gjallë.
I: I mjeri unë fukaraja
Paskam ndodhun i pa ikball!:I
Gjithë prej hallit të sikletit
M’u ba borxh me dalë, me tretë.
Mora rrugat e gurbetit
Selametin për me gjetë.
Rrugën mbarë me lot ç’e lava
Dersa mbrrina jabanxhi.
Zemra m’thot gjithmonë pse qava
Qysh i vogël e der’ n’pleqni.
Me taman kenka thanë motit
Vendit t’ hu’j mjerë kush i shkel.
Paska qenë o shkru’ prej Zotit
Me mbaru’mun o me siklet!
M’u rrit mjekrra m’u bo grrathë, grrathë
I mjeri unë o për t’ri tam!
Shkoj nër shokë s’ma bajnë nji vend
T’ju diftoj dertin qi kam.
___________________________________________

[Musafir]

121. Në sabah të parë
Në sabah të parë
Kur këndon bylbyli
I: Nga sevdaja jeme, aman!
Çeli drandofilli :I
M’i ke flok’t e gjata
Nuk ti zen shamia.
Fryni erë e malit, aman!
M’i mu’r mend’t e mia.
Kur m’i bjen sokakut
Me putina n’dorë.
Ça t’i baj marakut
Moj vetullkunorë?!

[Musafir]

122. T’gjitha shoqet t’kanë zili
I: Shoqet t’kan zili
Se ti je e bukur. :I
I: Ato le t’pëlcasin
Der’sa unë të du’. :I
Ref.:
I: Hajde moj, eja moj
Eja lule je shebojë! :I
Moj gonxhe e bukur
E bukur lulzim.
Nuk të gjindet shoqja
Veç në kopshtin tim
Ref.:
Hajde…
Era yte e kandshme
Më mbushë plot gazëllim.
Ti gonxhe je futun
Thellë në shpirtin tim.
Ref.:
Hajde moj…

[Musafir]

123. Ju dallëndyshe kah po shkoni
Ju dallëndyshe kah po shkoni
Do t’ju jap nji porosi.
I: N’sheher timin kur t’kaloni
Thoni: - Vdiq o nji djal i ri! :I
Djal i ri në bash të vaktit
Për pa i mbushun njizet vjet.
Paska qenë takdir prej zotit
Me shku’ ymrin në kurbet.
Lamtumirë o fushë e male!
Lamtumirë o shoqni!
Se pa vdekë nuk qenka qare
Tash po mbylli sytë e mi.
Tash po bjen kambanë e madhe:
- Dil moj nanë se kush ka vdekë!
Në past’ vdekë ai qi m’ka dashtë mue
I ka plasun zemra e shkretë!

[Musafir]

124. Shkoj e vij flutrim si zogu
Shkoj e vij flutrim si zogu tuj mendu’
Ndalem n’at’ dritare vasho me t’shikju’
I: O shpirt sa të du’, del njiher e fol me mu’1
Jeta ime për mbas teje ka mbaru’. :I
Si u shkrina e s’të pashë moj bukuri?
Nën dritare tueja, po kjaj si fëmi.
Kjaj se m’ke hutu’ e s’po di se kah me shku’
Zemra jeme për mbas teje ka mbaru’!
Ti moj vashë n’atë dritare, çfar mendon?
Mue prej gjumit, çfarë kërkove, pse më zgjon?
A e din se kam mbaru’, ma nuk mundem me duru’
Jeta jeme për mas teje krejt u shu’?

[Musafir]

125. Midis ballit ma ke nji pikë
Midis ballit ma ke nji pikë
Shtatin moj si selvi, hej, hej!
Foli e qeshi ashikut moj dritë
Kur më del moj si pehrri.
Mbret i luleve drandofili
Mbi te nuk ka të shamë.
Shumë telashet i hjekë bylbyli
Kur mendon se del behar.
Zoti ty ta dhasht laikun
Qi more t’rijt tem, hej!
Jam ba borxh me dalë me ikun
E me tretë n’tjetër vend.
Behari vjen tuj u zbukurue
Po na vjen sivjet, hej, hej
Ndigjo ti moj bukuri
Mu ke pusi dal e t’pres!
T’gjithë dit’t qi i ka motmoti
Të gjitha shkojnë tuj kja.
Ty të raftë nji pikë prej Zotit!
Sa kjofsh gjallë në këtë dynja!

[Sponsored content]