Re: TEKSTE KËNGË SHKODRANE

[Musafir]

26. Nuse s’pari kur u bane
O nuse s’pari kur u bane
O si ma e bukra në mahallë.
O faqen kuq, buzën sheqere.
O floku i yt të ra në ballë, aman!
O hije e bukur t’paska ra-e
O edhe kusur nuk t’ka lanë.
O si zamaku n’bahqe t’mëdha-e
O mbi shoqe je e parë, aman!
O jelekun qendisë me ar-e
O ftyrës sate i bante drit-e
O porsi vjollca në behar-e
O mashallah si hanë po shndritë!

[Musafir]

27. F’tyrën tande me shumë mall
F’tyrën tande me shumë mall, aman!
I: Unë ndër sy e kam përherë. :I
Karajfil lule në ballë, aman
I: Si gjyliaku plot me erë. :I
Ti je lule për t’u pa, aman
Mashallah lule shebojë.
E rritun nër kopshte t’m’dha, aman
Foli ashikut o me gojë.
Xhevahir ti je për mue, aman!
Mollë e rritun o në gem.
Mashallah për sytë e tu-e, aman
Vetullat qerpik me rrem.
_______________________________
gjyliak = lëndë aromatike

[Musafir]

28. Shtati i nuses si selvi
Aman shtati i nuses si selvi
Belin e hollë për marakli.
Faqet kuq porsi mollë
Vetullat gajtan i hollë.
Aman beli i nuses si pasqyrë
Ç’po i shndritë e bukra f’tyrë.
Sytë e zezë si ulli
Qerpikët për marakli.
Aman, ftyra jote pikali
Ma gëzofsh dhandrrin e ri.
Nuse e re, të kanë thanë:
- Çoje kryet, naze mos ban!
____________ ________________________________
pikali = që ka pika në fytyrë, në trup a lëkurë

[Musafir]

29. Sa të du’ moj bukuri
I: O sa të du’ moj bukuri,
Trandafile.
Dhambët tu’ si inxhi,
Sa bukuri! :I
I: Se ti je nji lule për marak
Moj gonxhe behari.
Mbi t’gjitha shoqet je e parë
Moj sokoleshë mali! :I
I: Qysh se t’pashë për t’parën herë
Paç dëshirë me folë me ty
Ti ma e bukra në pranverë
Je moj zanë!:I
Je e bukur si pranverë
Del si zana
Po shëndritë si lule verë,
Si hana.
Se ti je nji lule për marak
Lulja e beharit.
Nuk të la moj pa të marrë
Pasha sytë e ballit!

[Musafir]

30. T’parën herë kur jemi pamun (version 2)
T’parën herë kur jemi pamun
Se ç’m’u ngul zemra në ty.
Sikur hana kur asht tuj dalun
Njashtu m’u duke në sy
Gjithnji më vjen të m’shikjon moj
Thue se jam tuj nejt n’nji kru’
Njashtu n’zemër më vazhdon moj
Bukuria e syve t’tu.

[Musafir]

31. Unë kujtim jam tuj t’dërgu
I: Unë kujtim jam tuj t’dërgu-e
N’shej t’çiknisë.:I
Me këto lule tuj t’kujtue
N’shej dashnisë.
Se janë t’bukra
Janë t’panverës
Plot me erë.
O rueji fort moj e bardha verë!
Për kujtim këto lule t’çova
Me mallëngjim.
Nji nga nji moj unë t’i zgjodha
Për kujtim.
Janë të kuqe janë të blerta
Si në prill.
O të mushin o
Me erë të mirë.
K’to janë lule prej saksie
Me shumë mall.
Edhe janë si shej dashnie
Gjinden rrallë.
Ruej këto lule me shumë ngjyra
E m’kujto!
O vashë e bukur o
Mos m’harro!

[Musafir]

32. Se ç’po fryn nji fllad pranvere
I: O se ç’po fryn nji fllad pranvere
Moj syzeza vetullhollë. :I
I: O bash në zemër mori më ke therrë, moj
Faqekuqe moj porsi mollë! :I
O drandafile, manushaqe
Mbulojnë kopshtet dhe u jep jep erë.
O kur të skuqen mori buzë e faqe, moj
Ma e bukra lule je.
O me blerim natyra veshë
Nëpër fllad bylbylat këndojnë.
O moj e buk’ra mori pëllumbeshë
Ndjesi t’reja t’kandshme zgjojnë.

[Musafir]

32. Se ç’po fryn nji fllad pranvere
I: O se ç’po fryn nji fllad pranvere
Moj syzeza vetullhollë. :I
I: O bash në zemër mori më ke therrë, moj
Faqekuqe moj porsi mollë! :I
O drandafile, manushaqe
Mbulojnë kopshtet dhe u jep jep erë.
O kur të skuqen mori buzë e faqe, moj
Ma e bukra lule je.
O me blerim natyra veshë
Nëpër fllad bylbylat këndojnë.
O moj e buk’ra mori pëllumbeshë
Ndjesi t’reja t’kandshme zgjojnë.

[Musafir]

33. Në pranverë që kena hy
I: Në pranverë që kena hy
Drandafillja po lulzon. :I
I: Rri bylbylin tuj e ndi
Kangën qi ai po këndon. :I
Drandofille sa mirë k’ndon
Afër nji bylbyli t’ri.
Mos kujto se përgjithmonë
Ke me mbetun pa u prishë.
Unë e fresk’t rri si gjithmonë
Edhe çili në pranverë.
Por ti bilbil kur këndon
Gonxhe çeli menjëherë.
Bylbyl hallin jam tuj kja
Je nji zog qi k’ndon përherë.
Lulet çilin pa ja da
Në tri stinat dhe në verë.

[Musafir]

34. F’tyra jote e bukur
I: F’tyra jote e bukur
Si qiri me bojna.
Hajde porsi flutur moj
Me ojna! :I
Ref.:
I: Aman, aman,
Xhanëm hajde aman!
Aman fol me gojë,
O më ban dermon! :I
Porsi molla n’gem-e ,
F’tyra jote shndrit-e
Moj vetull kaleme,
Si yll ndritë.
Ref.:
Aman,…
F’tyra jote e kuqe,
E ambël si sheboja
Aman faqe kuqe, moj
Si molla
Ref.:
Aman,…

[Musafir]

35. Moj e vogël në lëndinë
Moj e vogël dushe moj nën lëndinë
Hajde moj lëndinë.
Bishtalecat vashë lëshu’ mbi shpinë
Hajde sa bukur t’rrinë.
Ref.:
Dije moj tarnanane,
Belin e hollë moj ma ke
Dije moj tarnanane,
Aman e bukur je, aman-e ashtu si m’je!
Moj e vogël dushe moj nej’ në bjeshkë
Bukur moj m’qenke veshë
Hajde dushe xhanëm moj sa mirë m’je
Shoqe moj ti nuk ke.
Ref.:
Dije…..
Moj e vogël dushe moj nën qershi
Hajde sa bukuri!
Vetullën moj dushe moj si gajtan
Hije mori të ban!
Ref.:
Dije moj tarnanane,
Faqet si mollë moj mi ke
Dije moj tarnanane,
Aman të kuqe m’i ke, aman si nuse je!
____________________________
dushë – shpirt, e dashur

[Musafir]

36. Moj e mirë synin larushë
Moj e mirë synin larushe
I: Besa ty o s’të ka kërkush-e! :I
Besa ty moj s’të ka kërkush-e
I: Veçse unë moj qi t’këpus-e! :I
Moj e mirë qerpik’t me gema
Daj zylyfet në katër rrema.
Daj zylyfet moj fije fije
Ru’ju djal-o se m’i përzie.
Shyqyr dushë që t’kam kojshi-e
Kur t’mërzitem moj vi e rri-e.
Kur t’mërzitem moj vi e rri-e
Nuk rri shum veç der n’jaci-e.

[Musafir]

37. Sa e bukur m’je natyrë
I: Sa e bukur m’je natyrë
Ti moj vjollcë qi çil ma parë! :I
I: Hej, shumë t’kërkova unë ty
Po të pres me gzim, tan’ mall! :I
Si ndër fusha, si ndër bahçe
I çel gonxhet pa përtim.
Hej, djem e vasha lulen tande
E bajnë tufë e vejnë n’saksi.
Lule t’bukra plot me erë
Bahçe, kopshte na i m’ushë.
Hej, mirë se erdhe moj pranverë
Me gëzim zemrat na i mushë!

[Musafir]

38. Tash du’ me fillu’ me t’qitë këtë kangë
I: Tash du’ me fillu’ me t’qitë këtë kangë :I
I: Gjithkush ka me e knu’ me njikët mekam. :I
I: Bylbyli një zog nër shpend i parë :I
I: Oh sa bukur këndon në t’bukrin behar! :I
Si deti kur qan, përkund tallas
Oh sa bukur këndon kur je mbyll n’kafas.
Lumi ai që t’ka e t’ban hyzmet
Njaj thotë banë sefa e ninë lezet!
Karajfili thotë kërkund s’ka vend
Masi t’du’ kaq fort, eja rri n’vend tem!
Ti mu’ nuk m’binde, ndaç me m’kërku’
M’gjen nën drandifille, bashkë me bisedu’.
__________________________________
mekam – melodi, motiv, shkallë muzikore
tallas – valë, rrymë
hysmet - shërbim

[Musafir]

39. Iptida do ditë përpara
Iptida do ditë përpara
Shkru’jn gjeridet e Stamboll’s:
I: “Hot e Grudë ju ka dal fjala
Ja ka falë mbreti Nikoll’s!” :I
Hot e Grudë ishin betue
Vijnë në Shkodër me qa dert.
Pa gjak malet mos me i l’shue!
Jena nisë me u ba milet.
Shkodër e Malsi janë çue
Du’n me zgjedh ni komandar
Hodo Pashën kan emnue
Nuk ka qajre pa n’a ardhë!
______________________________
iptida - me fillesë, në fillim
qajre - rrugëdalje

[Musafir]

40. Pse u largove pra
Pse u largove pra?
Fajin kush s’ta ka!
Ike pa ba za
Pa pasë pak sevda!
I: Shpesh të kam ndërmen,
More fisligen.
Çfar t’i baj marakut,
O marakut tem? :I
Ref.:
I: Hajde pra, eja pra
Se ç’më ka marr malli,
Hajde për me t’pa. :I
Mjaft jam tuj t’kërku’
Për me t’than se t’du’
Masi e din se t’du’
Mallin ma ke çu’.
Ti kujton se s’gjej
Zanin s’ta kursej
Mbasi t’ bisedoj,
Flokët t’i lëmoj.
Ref.:
Hajde pra …

[Musafir]

41. Xhylystane, moj Xhylystane
Xhylystane, moj Xhylystane
I: Po ku të kam mori lule alle? :I
Lulekuqe, lulebardh-e
I: O bashkë me shoqet-o del n’behar-e :I
Ti je lulja, lulja vetë
Diçka desha o me t’pëvetë.
Diçka desha me të thanë:
- N’ty maraku moj më ka zanë!
Kur ma vënë tasfes me i anë,
O, më dukesh moj yll e hanë.
Xhylystanja m’a bon me dorë:
- O, s’jam e vogël-o për kunorë.
_____________________________________
tasfes – veshje koke për femra e punuar prej ari

[Musafir]

42. A man n’mend moj në pranverë
A m’an n’mend moj në pranverë?
I: Më premtove miqësinë-e. :I
E s’e mbajte për gjithëherë
I: Por ia prishe moj bukurinë. :I
Si s’të vjen pak keq për mue
Moj dibrane lule e malit?
Pa të keq unë ty të due
Mos i paça moj sytë e ballit.
Po të vij me të urue
Se të desha moj për marak-e.
Du’ të shof tuj nusërue
Porsi nuse moj me duvak-e.
_____________________________________
duvak = vel, tis i hollë që përdoret për të mbuluar
fytyrën e nuses ditën e martesës

[Musafir]

43. Ani na u shemb fusha, moj Hatixhe
Ani na u shemb fusha
Moj Hatixhe.
Ani ra në male.
I: E bardhë po m’dukesh
Moj Hatixhe
Si bora n’Moravë! :I
N’ato faqe tua
Moj Hatixhe.
T’kuq o në bojë gjak-e.
Mos më len pa m’marr-e
O moj Hatixhe!
Ani se jam bonjake!
Kjo fytyra jote
Moj Hatixhe.
Kuq o si qershia
O s’të len baca
Moj Hatixhe
Pa të çu’ te shpia!

[Musafir]

44. O ku je lulja dalë prej lules
O ku je lulja dalë prej lules
O se me ty ndrisin hanë e di’ll-e
I: Ballin ma ke si bilur-e
O si zamak, o që çel në prill-e! :I
O unë e di se je insane-e
O faj s’kam pasë o moj drandofille
Qysh se s’pari moj bash’ zan-e
E kishe pasë o zemrën me hile.
______________________________________
bilur – porcelan (e ka kuptimin i pastër, shumë i bardhë)

[Musafir]

45. Shumë lulet na i çelë pranvera
I: Shumë lulet na i çelë pranvera :I
Vjollca t’bukra e lule tjera
Vjollca t’bukra e lule tjera
Moj pranvera!
Era e tyne t’knaqë me erë.
Zemrën peshë ta çojnë përherë.
Zemrën peshë ta çojnë përherë
Moj pranvera!
Fillojnë dalin nji nga nji-e
Karajfilat në saksi-e.
Karajfilat në saksi-e
Moj pranvera!
Sa i bukur mu’ji i majit!
Plot me lule krejt jeshile
Plot me lule krejt jeshile
Moj pranvera!

[Musafir]

46. O bylbyl me pika pika
I: O bylbyl me pika pika :I
I: A t’kam thanë mos rri me çika? :I
I: A t’kam thanë mos rri me çika? :I
I: Se ato janë kopilica. :I
O bylbyl me pika t’kuqe
A t’kam thanë mos rri me nuse?
A t’kam thanë mos rri me nuse?
Se ato kan buz’t e kuqe.
O bylbyl more i ngrat-e
A t’kam thanë mos rri me gra-e?
A t’kam thanë mos rri me gra-e?
Se ato bajnë veç shamatë.
O bylbyl me pika t’bardha
A t’kam thanë mos rri me plaka?
A t’kam thanë mos rri me plaka?
Se ato janë t’panafaka

[Musafir]

47. Pra njitash du’ me fillue
Pra njitash du’ me fillue,
I: Ani se m’ka zan i ziu marak-e :I
Në ma daç moj hatrin mue,
I: O tjera kend mos kqyr’ aspak-e! :I
Refreni:
I: S’ma din kush hallin qi kam
Krejt u dogja për së gjallë!
U shkrina si bora n’shkamb
Begenis e fol nji fjalë! :I
Edhe unë moj s’jam kujtue
O se t’ka marr moj vesht jot amë.
M’çove fjalë se je idhnue
Oh po t’a qes moj njikët kangë.
Refreni:
Kanga t’dalt e marrt dynjanë!
E gjithkush ka me ta k’ndu’
Lutju vet moj bijë sat amë
Le t’na thrrasin me u pajtu’!
M’u ba ftyra kuq si thana
O kur më fole t’parën her-e.
Mu’ të mjerit m’u dridh dora
Oh kur ma prune at filxhan kafe.
Po na del e bardha verë
Nëpër bahqe tuj shetitë.
Mbledhim vjollca si përherë
Ku të kam o ty moj dritë?!
____________________________________
begenisë = pëlqye

[Musafir]

48. O bylbyl o i buk’ri shpendve (1)
I: O bylbyl, o i buk’ri shpendve
Çka ke n’dimën qi gjëmon? :I
Aman, aman
I: Gjithë dashnorve shnoshjau zemrën,
Aman,
Hiqjau dertin qi i mundon! :I
Në kafaz bilbil si ti-e
Prej k’si dimni jam rrethu’,
Aman,aman
Zemra ime mush n’mërzi-e,
Aman
Pret pranverën e dishiru’.
Del pranverë me lule tu’ja
Mjaft ky dimën na la fjetë,
Aman, aman
Ti bylbyl, kang’s pra thu’ja,
Aman,
Knaqjau zemrën dashnorve t’shkretë!

[Musafir]

49. Karajfili i kuq si gjaku (1)
O karajfili i kuq si gjaku,
Aman, aman!
I: O n’Shkodër tonë ka ra sevda.
O për njata që i zen maraku
Aman, aman!
Hallin s’kanë se ku me kja.
I kam ra shpend’ve në kambë,
Aman, aman!
O hallin tem iu kam diftu’.
O se ata që shetisin dynjanë,
Aman, aman!
Ata gjejnë derman për mu’.
O karajfil me kunorë,
Aman, aman!
O q’i çil gonxhet përditë.
O të kam njoftë moj qysh në shkollë,
Aman, aman!
E mashallah sa qenke rritë!
_______________________________
shërim, shëndoshje, zgjidhje e një
nevoje apo ngatërrese

[Sponsored content]